Brave իրավաբանական ընկերությունը ստեղծվել է 1996թ.: Ստեղծման պահին ընկերությունն ունեցել է ընդամենը երեք իրավաբան: Ընկերության պատմությունը մեծամասամբ կապված է Հայաստանում շուկայական տնտեսության զարգացման հետ: Դառնալով իրավաբանական ծառայություններ մատուցող առաջին մասնավոր ընկերություններից մեկը, գործելով նոր ստեղծվող իրավաբանական ծառայությունների շուկայում և անկախ հայկական պետության կայացման պայմաններում` Ընկերությունն անցել է զարգացման մի քանի կարևոր փուլեր:

Ընկերության ստեղծման պահից փոփոխվել է նրա կազմը (ներառյալ հիմնադիրների կազմը), ընկերության չափերը, սակայն անփոփոխ են մնացել հաճախորդներին ամբողջական սպասարկման մոտեցումը, աշխատանքի կատարման թիմային եղանակը, խիստ գաղտնիությունը, ընկերության իրավաբանների բարձր պրոֆեսիոնալիզմը և ակադեմիական մոտեցումը, մատուցվող ծառայությունների որակը: